Hintay

Sinabi sa sarili na ito na ang huling pagkakataon
Pinangako na sa huling beses na ibabasura ka ay ibabaon mo na sa limot
Ang pait, sakit at mismong ang pagmamahal mo para sa kanya
Ngunit hindi ka pa rin nakinig.

Pilit mo pa ring binubuo ang iyong puso
na pilit naman nyang sinisira sa harap mo.
Iniisip na nagkataon lamang yon
Maniniwala ka na ba sakin ngayon?

Sabi mo wag mo na siyang hihintayin
Pero ina-abangan mo pa rin ang kanyang pagsambit
sa mga matatamis na salitang gusto mo lamang marinig.
At pagkatapos ay di mo na maaalalang may halaga ka.

Mas madalas mong malimutan ang masakit na ginawa sayo
Ngunit matagal bago mo kalimutan na pwedeng hindi na maging kayo
Kaya mo pa bang ipaglaban ang lahat para sa kanya;
O susuko na lang at wag nang maghintay pa?