Ing tune lugud (true love) eya pantunan o panayan. Kabud nyang datang yan king bie mu. Nung makukulami ka uling ika eme pa ikit ing tune lulugud keka, tuknangan mu na yan. Datang ya rin ngara pen. Eka sasamal anti mo ing maglimus king dalan na e mipaintagun a lub uling e bisang kagisanan. Datang ya rin. Gang iya ena ka pa ikit. Nya tuknang na kang mamyalungan karing taung e naman dapat mag ing parti pa ning bie mu. Ing daptan mu namu ngeni, samasan mu ing pamagaral mu. Emu pabureng dumurut ne mu ing yatu mu kakapantun o kakapanaya king tune lugud a yan. Wa manyaman lulugud at luluguran oneng mas manyaman nung eka kabud makamulala pag ikit mu ne uling enaka apapakan ning lugud. Nung bisa kang mamye lugud king kekang palsintan, malyari naman e. Oneng makananu ka mamye lugud nung ika emu pa asabing liguran me ing sarili mu? Sapakan meng tula ing kekang pusu bang apasa me iti king kapara mung tau. Makanta ing tune lugud.